ን”ተሃድሶ” ምልክታ ምቕራብ

(Ansök om habilitering - tigrinja)

መን’ዩ ነዚ ደገፍ’ዚ ዚወሃቦ?

እዚ ”ተሃድሶን ጥዕናን” (Habilitering & Hälsa)፡ ሓደ ክፋል ናይ ምምሕዳር ዞባ ስቶክሆልም’ዩ። ንሕና ደገፍ እንህበሉ ኵነታት ኣብ፡-

• ”አይ.ዲ.ኤች.ዲ” (adhd) ኣብ ቆልዑን - ክሳብ 25 ዓመት ንዘሎዉን በጽሒታት
• ”ኣውቲዝም” (autism) ንዘሎዎም
• ምጽማም ወይ ከቢድ ምጽናዕ ናይ እዝኒ ንዘሎዎምን ”ምልክታዊ- ቋንቋ” ንዘሎዎም ዓበይቲ
• ምጽማምን-ዑረትን ንዘሎዎም
• ጕድኣተ-ኣእምሮ ንዘጋጠሞም
• ስነ-ኣእምሮኣዊ ስንክልና ንዘሎዎም - ናይ ምምዕባል ስንክልና ንዘሎዎም
• ስንክልና-ምንቅስቓስ ንዘሎዎም እዩ።

ብኸምዚ ዚስዕብ ኣገባብ ምልክታ ተቕርብ

እቲ ዝቐለለ ምሳና ርክብ ትገብረሉ ኣገባብ፥ ካብ ሓደ ዶክቶር ወይ ካብ ሓደ ”ስነ-ኣእምሮኛ” ናይ ”መወከስታ-መልእኽቲ” (remiss) ናባና ምስ ዚልኣኽ እዩ። ባዕልኻ ውን ምልክታ ንምቕራብ ትኽእል ኢኻ።

ካባና ”ተሃድሶን” (habilitering) ንኽትረክብ፥ ናይ ዶክቶር ምስክር ወረቐት ወይ ነቲ ስንክልናኻ ዚገልጽ ቅዳሕ ናይቲ ”ሰነድ-ሕሙማን” ክተቕርብ የድልየካ እዩ። ንኡ መሰረት ብምግባር መጽናዕቲ ተኻይዱ ዚወሃበካ ነገር’ዩ። እቲ መጽናዕቲ ዚግበር ድማ፡ ኣብ ሓደ ”ማእከል ክንክን-ሕማም” (vårdcentral) ወይ ”ስነ-ኣእምሮኣዊ ክሊኒክ” እዩ።

መብዛሕትኦም እቶም “ንተሃድሶ” ምልክትኦም ዘቕርቡ ሰባት፥ ነቲ ምልክትኦም ናብ ሓደ ካብቶም ዘሎዉና ናይ ”ተሃድሶ-ማእከል” (habiliteringscenter) እዮም ዝሰድዎ። ኣብ ኣውራጃ ስቶክሆልም 17 ዝኾኑ ናይ “ተሃድሶ-ማእከላት” ኣሎዉና።

ንስኻ ኣብ (1177.se) ውን ምልክታ ክተቕርብ ትኽእል ኢኻ። ንስኻ ናይ ምልክታ-ኦርኒክ መሊእካ ውን፥ ናብቲ ትደልዮ ናይ “ተሃድሶ-ማእከል” ክትሰዶ ወይ ውን ብስልኪ ክትድውል ትኽእል ኢኻ።

ምልክታ ኣብ ተቕርበሉ ጊዜ፥ ካብ ቤተሰብካ ወይ ካብ “ናይ ኤል.ኤስ.ኤስ ፈጻሚት-ጉዳይ” (LSS-handläggare) ወይ ውን ካብ ቴሌፎን-ተርጓማይ ሓገዝ ክትረክብ ትኽእል ኢኻ።

ብድሕሪ ምልክታ ምቕራብካ ወይ ናይ ”መወከስታ-መልእኽቲ” ምምጽኡ

ብድሕሪ’ቲ ምልክታኻ ምቕባልና ወይ ናይ ”መወከስታ-መልእኽቲ” ምቕባልና፥ ኣብ ውሽጢ 30 መዓልታት ካባና ናይ መጸዋዕታ ዕድመ (ደብዳበ) ኪልኣኸልካ እዩ።

ዑቕባ-ሓተት’ቲ

ካብ 0-17 ዓመት ዝዕድሚኦም ዑቕባ-ሓተት’ቲ ቆልዑ፥ ወይ ውን መንበሪ-ፍቓድ ዘይብሎም ቆልዑ፥ ነቲ ንህይወቶም ዓቢይ ትርጉም ዘሎዎ ናይ ”ተሃድሶ” ደገፍ ንኪረኽቡ መሰል ኣሎዎም። 

ዑቕባ ሓተት’ቲ ዓበይቲ ሰባት ወይ መንበሪ-ፍቓድ ዘይብሎም ሰባት ግን፥ ናይ ”ተሃድሶ” ደገፍ ናይ ምርካብ መሰል የብሎምን።