Mánáide ja nuoraide habiliteringa birra (För barn och ungdomar om habilitering)
Svensk version av sidan
Bures boahtin habiliteringai. Mii sáhttit veahkehit du geas lea doaimmashehttejupmi. Teaksta lea álkit čállojuvvon (lättläst).
Habiliteringa sáhttá veahkehit du ja du bearráša jus dus ovdamearka dihte lea autisma, vuoiŋŋašvihki maid leat ožžon maŋŋel riegádeami, intellektuála doaimmashehttejupmi- ovdáneami váttut, dahje lihkadanvattut.
Mii geat bargat habiliteringas leat áššedovdit doaimmashehttejumiide. Mii diehtit buot mii lea vejolaš dahkat eallima álkibun ruovttus ja skuvllas.
Mainna sáhttá habiliteringa du veahkehit?
Habiliteringa sáhttá veahkehit du iešguđet áššiiguin. Da bohtet muhtin ovdamearkat maid
don sáhtát hárjehallat dahje masa oažžut veahki:
- muittit áššiid
- doallat áiggiid
- fuobmat suohtas diŋggáid dahkat astoáiggis
- vuodjit juvlabeaŋkkáin
- hárjehallat goruda
- dádjádit dovdduid
- vuoiŋŋástit
- oađđit buorebut
- dadjat dahje čájehit maid háliidat
- oažžut buoret iešdovddu
Go mii deaivat du vuosttaš geardde jearrat mii dus maid don háliidat nagodit dahje mas háliidat šaddat buoret. Don sáhtát deaivat min akto dahje du váhnemiiguin. Muhtomin mii deaivvadit earáiguin geain lea doaimmashehttejupmi.
Du rievttit
Mánáid konvenšuvdna lea okta láhka Ruoŧas. Láhká dadja ahte rávisolbmot galget guorahallat mii lea buoremus mánáide ja nuoráide. Sii fertejit gullat mii mánáin lea dadjamušáid.
Don sáhtát sihttát rávisolbmo čilget jus it ipmir. Ja dus lea riekti dadjat jus du mielas orro juoga boastut.
Mii eat oaččo muitálit geasage earai maid don muitálat midjiide. Dat gohčoduvvo javohisvuođageatnegahttin.
Maid don háliidat muitalit earáide?
Dat sáhttá leahkit buorre mearridit got don galggat ságastit du doaimmashehttejumi birra. Siđat go muitalit olles luohkkái skuvllas? Vai beare du buoremus radnái? Makkár sániid haliidat atnit? Don sáhtát ságastit miiguin, mii sáhttit veahkehit du gávdnat sániid mat dovdojit buorren.