Raahvaile joila on toimintarajotus (För vuxna med funktionsnedsättning)

Habiliteerinkistä

Habilitering & Hälsa antaa tukea ja apua sulle, jolla on toimintarajotus. Se saattaa olla autismi, saattu aivotärhväys, järjelinen toimintarajotus, liikuntarajotus, kuurous eli kuurosokkeus.

Habiliteerinki pittää tehhä ette sie saat helpompaa arkipäivän elämää. Sie piät saa apua ette pärjätä kampheitten kans itte, sekä kotona ette yhteiskunnassa. Niin paljon kun maholista.

Sie saatat itte hakea ette saa habiliteerinkiä. Se saattaa kans olla lääkäri eli psykoloogi joka lähättää remissin meile. Sillon net on kirjottanheet ette sie tarttet habiliteerinkiä.

Kun olema saanheet remissin eli hakemuksen, sie saat kutun kokouksheen, johonki meän vasthaanothoin.

Habiliteerinki ei maksa mithään.

Näitten kans sie saatat saa apua

Habiliteerinki saattaa auttaa eri asioissa. Yhessä sinun kans met sovima mitä apua sie piät saa. Habiliteerinki toimii näilä aloila:

• tietoja toimintarajotuksesta
• toimiva arkipäivä
• terhveys ja elämäntavat
• muturiikka ja liikkuminen
• henkiminen ja nieleminen
• särky ja aistivaikutukset
• kieli ja komynikasjuuni
• suhteet ja olo muitten kans
• yhteiskunnan tuki
• prupleemitapoja
• koulu, työ ja työlisyys
• tuki sukulaisile.

Jos tarttee met olema yhteistyössä muitten kans siukkahoijossa ja kunnassa.

Habiliteerinki ei saata auttaa kaikessa, esimerkiks met emmä voi kirjottaa reseptiä metesiinile. Met voima kertoa sulle, mistä sie voit hakea muuta apua, jos sie tartet sitä.

Näin met annama tukea

Sie saatat kohata meitä eli saa tukea eri tavoila. Se voipi olla:

• kursissa eli ryhmissä yhessä muitten kans
• habiliteerinkin vasthaanotoila
• kotona teän tykönä
• telefoonin eli viideopuhelun kautta.

Tuki sukulaisile

Met saatama tarjota tukea sinun vanhemile ja siskoile, jos het tarttevat sitä ette saattaa voija hyvin. Met saatama kans tarjota tukea sinun lapsile.

Vaitiolovelvolisuus ja sjurnaali

Meilä, jokka olema töissä habiliteerinkissä, on vaitiolovelvolisuus. Tämä merkittee, ette emmä saa kertoa kelheen muule sinun toimintarajotuksesta.

Met kirjotama sjurnaalhiin, mitä apua sie saat meiltä. Sie voit lukea sinun sjurnaalia (1177.se), eli tahtoa ette met kirjotama ulos sen.

Tulkki

Jos sie et puhu ruottia, sie saatat saa tulkin, kun kohtaat meitä. Kerro sille henkilöle, ketä kohtaat habiliteerinkissä, jos sie tarttet sitä.

Selitä mitä sie tykkäät

Jos sie et ole tyytyväinen johonki mitä met tehemä, met haluama mielelhään ette sie kerrot meile. Sie voit kans jättää esityksiä mitä voithaan parantaa.